» » Хәрефтәр һәм өндәр/Тамара ИСКӘНДӘРИӘ

Баҫылды : 14-01-2014, 08:10 |
Рубрика: Туған тел
Просмотров: 829
"Аҡбуҙат"та баҫылған: , йыл
Рубрика: Туған тел
Исеме:
Автор:
Район:
Ауыл:
Рәссам: Салауат Ғиләзетдинов

Туған тел

Хәрефтәр һәм өндәр/Тамара ИСКӘНДӘРИӘ

Хәрефтәр һәм өндәр/Тамара ИСКӘНДӘРИӘ

Хәбир хәрефтәр өйрәнә,
Өндәр өйрәнә Өлфәт.
Ағаһынан һорай Хәбир:
— Әйҙә, миңә лә өйрәт!

Хәрефтәрҙе мин таныйым,
Теҙеп ҡуйҙым дәфтәргә.
Тик белмәйем, ниндәй өндәр
Һыйынған хәрефтәргә?

Өлфәт ағаһы өлкән шул,
Төшмәй бигүк өлтөрәп.
Өлгө итеп төрлө өндө,
Өлгөрә ул көлдөрөп:

— Өндәр илендә, туғаным,
Бар уларҙың төрлөһө.
Оҙон көйҙәй оҙоно бар,
Ҡыҫҡаһы бар, серлеһе.

Оҙаҡ итеп һуҙып булһа —
Һуҙынҡы булыр ул өн.
А, о, у, ы,
Ә, ө, ү, и —

Һуҙ ҙа һуҙ, еткәнсе төн!



Бәрәс тояғылай ҡаты,
Бар ҡапыл бәрелгәне.
Т, к, ҡ, ш, ф, с,
Д, г, ғ, ж, в, з —
Уҡтай ебәрелгәне.

Тартынҡы өн ишетелә,
Сүкеш-балта сыңлаһа,
Ҡаҙау ҡаҡһаң йә туп типһәң —
Тартынҡы өн шул даһа!

Тағы ла бар быҙауҙарҙың
Әсәһен саҡырғаны:
— Эм-м-м!
— Эн-н-н!
Шулай уҡ:
— Л-л-л-р-р! — тип,
Көсөктәр шаярғаны.

Һуҙынҡымы, тартынҡымы?
Танауыңды ҡыҫ, тыңҡыш!
Яңғырауыҡ тартынҡыны
Танып алырға тырыш!

Өлфәт, шаяртып, Хәбирҙең
Танауын алды ҡыҫып.
Әсәһе көлә, улдары
Шаулашҡанына ҡыҙып.


— Ер шарында күпме халыҡ,
Шунса, — ти ул, — милли өн.
Өндәр улар бик күп түгел,
Ә хәрефтәр — миллион!


Миллионмы, түгелмелер —
Уны һанаған кемдәр?
Изге хәбәр килтерһен гел
Хәрефтәр менән өндәр.
Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Тылсымлы һандыҡ

БЕҘҘЕҢ АВТОРҘАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.