» » » Әсәйҙең күбәләктәре/Душан ДЖУРИШИЧ

Баҫылды : 16-12-2013, 11:57 |
Рубрика: Авторҙар / Минең ғаиләм / Тәржемәләр
Просмотров: 906
"Аҡбуҙат"та баҫылған: 11-2013
Рубрика: Авторҙар / Минең ғаиләм / Тәржемәләр
Исеме: Әсәйҙең күбәләктәре
Автор: Душан Джуришич
Район:
Ауыл:
Рәссам: Ирина Әхмәҙуллина

Авторҙар / Минең ғаиләм / Тәржемәләр

Әсәйҙең күбәләктәре/Душан ДЖУРИШИЧ

Әсәйҙең күбәләктәре/Душан ДЖУРИШИЧ

— Әсәй, беҙ балалар баҡсаһында байрамға уйын әҙерләйбеҙ! — тине ҡайтып инеү менән Санъяр. — Мин күбәләк булам.
— Әсәкәйем, мин дә күбәләк булам, — тине Даян. — Ошолай итеп осам. Ҡара әле миңә!
Даян, ҡулдарын ҡанаттарҙай йәйеп, күҙгә күренмәгән сәскәләрҙе еҫкәгән булып, бүлмә буйлап әйләнде.
— Ярай, күбәләктәрем минең, — тине әсәләре. — Осоп ҡына кибеткә барығыҙ ҙа икмәк алып ҡайтығыҙ.
— Уй, әсәй! — тип көйһөҙләнде Санъяр. — Бәләкәй генә күбәләк ауыр икмәкте нисек күтәрһен?
— Санъярҡайым, — тип йылмайҙы әсәһе. —Ул күбәләктәр уйынсыҡтарҙы ла йыйыштыра алмаҫ инде, ә?
— Алмаҫ, алмаҫ.
— Бауҙан кипкән керҙе лә алып инергә ярҙам итмәҫтәрме икән?
— Юҡ, ярҙам итмәҫтәр ул.
— Нимә эшләй белә һуң улар, Даян?
— Осоп йөрөп урамда кискә тикле уйнай беләләр.
— Күбәләктәрем, улайһа, барығыҙ уйнарға, — тине әсәләре сабыр ғына.
Санъяр менән Даян уйнарға йүгерҙе. Аталары кис ҡайтып ашарға саҡырғансы уйнанылар. Санъяр — атаһының бер ҡулынан, Даян икенсе ҡулынан етәкләп өйгә инделәр
— Сәләм! — тине атаһы әсәһенә. — Ашарға нимә бар?
— Помидор һурпаһы, иҙелгән картуф менән ҡурылған ит, өсөнсөгә — баллы ҡоймаҡ, — тине әсәһе тыныс ҡына.
Даян помидор һурпаһын бик ярата, ә Санъяр — баллы ҡоймаҡты. Әсәләре шуны ҡайҙан белгән, ә? Малайҙар ҡул йыуырға йүгерҙе.
— Атаһы, ә һин беләһеңме әле ни булғанын? Санъяр менән Даян күбәләккә әйләнде. Шуға ни кибеттән икмәк тә алып ҡайтманылар, ни уйынсыҡтарын да йыйыштырманылар. Хәҙер, күбәләк булғас, ашай ҙа алмаҫтар инде…
— Ысынмы? — тип аптыраны аталары. — Улай булғас, тәмле аштарҙы еҫкәп булһа ла йөрөһөндәр һуң?
— Әсәкәйем, — Даяндың тауышы саҡ-саҡ ҡына ишетелде. — Уйынсыҡтарҙы хәҙер йыйыштырам.
— Ә мин бауҙан кипкән керҙе алып инәм, — тине Санъяр.
— Бәй, һеҙ күбәләк түгелме ни? — тигән булды әсәләре.
— Юҡ, әсәкәйем, инде беҙ күбәләк түгелбеҙ, — тине Даян.
Санъяр ҙа өҫтәне:
— Шаярттыҡ ҡына ла һуң! Инде беҙ баяғы Санъяр менән Даян.

Балалар! Душан Джуришич — Черногорияла йәшәүсе балалар өсөн шиғырҙар, хикәйәләр яҙа. Башҡорт балаларына Черногориялағы тиҫтерҙәренән күп сәләмдәр еткерә ул.

Тамара Искәндәриә тәржемәһе.
Рәссам Ирина Әхмәҙуллина.
Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Тылсымлы һандыҡ

БЕҘҘЕҢ АВТОРҘАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.