» » Ҡуянбәк менән Һайыҫҡан/Фәйрүзә Фәтҡуллина

Баҫылды : 1-01-2013, 09:58 |
Рубрика: Хайуандар илендә / Ҡырағай йәнлектәр
Просмотров: 923
"Аҡбуҙат"та баҫылған: 01-2013
Рубрика: Хайуандар илендә / Ҡырағай йәнлектәр
Исеме: Ҡуянбәк менән Һайыҫҡан
Автор: Фәйрүзә Фәтҡуллина
Район:
Ауыл:
Рәссам: Майя Ҡәйүмова

Хайуандар илендә / Ҡырағай йәнлектәр

Ҡуянбәк менән Һайыҫҡан/Фәйрүзә Фәтҡуллина

Ҡуянбәк менән Һайыҫҡан/Фәйрүзә Фәтҡуллина

Әкиәт

Бер урманда йәшәгән, ти, Ҡуянбәк менән Һайыҫҡан. Бик татыу булғандар улар. Һайыҫҡан күктәге, Ҡуянбәк ерҙәге яңылыҡтарҙы бер-береһенә еткереп торған.

— Йәнлектәр йәрминкә асҡан икән, әйҙә, барып киләйек, — тигән бер көн Һайыҫҡан дуҫына.

Баҙар гөрләп тора, ти. Ҡуянбәк баҙап ҡалған. Һайыҫҡан үҙенә нимә кәрәген тиҙ генә һатып ала һалған. Ә оҙонғолаҡ унда сапҡан, бында сапҡан, арып бөткән. Аҡсаһы ла самалы икән. Бер ваҡыт Төлкөбикәне күреп ҡалған. Эй, яңы тун кейеп, ҡыланып, ҡупшы баҫып килә, ти. Ә туны – йомшаҡ, һары-ҡыҙғылт төҫтә, көнгә йылҡылдап янып тора. Ә ҡойроғон матур итеп ҡабартып, яға итеп муйынына урап ҡуйған. Ҡуянбәк иҫе китеп уға ҡарап торған ти.

— Ҡыш етте, ярты хаҡҡа ғына тундар һатам! — тип яу һалған Һеләүһендең тауышы ишетелгән.

— Төлкөнөкө кеүек булһа, алам, һин хаҡын әйт! — тигән Ҡуянбәк һатыусыға.

— Хаҡымы? Икеләтә өҫтәйһең дә, яртыһын төшөрәһең. Һиңә яраҡлыһы ла бар,— тип, аҫтан йоҡа ғына аҡ тун сығарған. — Ун мең! Ә Ҡуянбәктең аҡсаһы әҙ, кейемгә түләһә, ашарына ҡалмай.

— Ярай инде, һинең өсөн генә 50% ташлама, — тигән алыпһатар, оҙонғолаҡтың, уйланып, күҙҙәре ҡылыйлана башлағанын күреп.

Ҡуянбәк, тунды кейеп ҡарап, бик оҡшатҡан. Ҡар ҙа аҡ — ул да аҡ. Йәй буйы йыйған ун мең аҡсаһының ҡап яртыһын тотторған.

— Кире бир, серек тиренән тегелгән, — тип ҡыҫылған Һайыҫҡан. — Бында алдарға ғына торалар.

— Һиңә кейергә түгел, ә миңә! — тип үпкәләгән уға Ҡуянбәк.

Балаларына күстәнәс алмағаны иҫенә төшөп, беренсе осраған һатыусынан мең һумға йәшелсә-емеш үлсәтә башлағас:

— Күпләп алма, үлсәгесе ныҡ алдай, - тип шыҡырыҡлаған ҡолағына тағы Һайыҫҡан.

— Хәләл эшләп алған аҡсам. Һинең кеүек урлашып йыймайым, — тигән асыуланып ҡуян.

Һайыҫҡан был һүҙҙән ныҡ үпкәләгән, хушлашмай ҙа китеп барған. Ә Ҡуянбәк, ҡалған аҡсаһы яҙға тиклем - дүрт айға етәме-юҡмы, тип, бик уйланып ҡайтып киткән.

Өйөнә еткәс, яңы тунын ныҡлабыраҡ ҡараһа, ысынлап, йоҡа ғына тиренән тегелгән, көскә ебендә эләгеп тора, ти. "Ярай инде, бер ҡышҡа етер, йәйен иҫке һороһон кейермен”, — тип йыуатҡан үҙен. Ә балаларына алған күстәнәсе бер килограмға кәм, ти. Шунда ғына ул дуҫының һүҙҙәре хаҡ булыуын, уны бушҡа рәнйеткәнен аңлаған. Һайыҫҡанды табып, ғәфү үтенергә булған. Ә һайыҫҡан был ваҡытта уны юҡһынып ултыра, ти. Ысынлап та, үҙенең дә ғәйебе бар: йыш алдаша, күп һөйләй, йомортҡа ла урлаштыра. "Ғәйепһеҙ дуҫ эҙләгән дуҫһыҙ ҡала”, — тигән һығымтаға килгән ул. Ҡуянбәк тә: "Тундың яңыһы, дуҫтың иҫкеһе яҡшы,”— тип ҡайғырып китеп барһа, Һайыҫҡанды күреп ҡалған. Ике дуҫ бер-береһенә ҡаршы йүгергән.
Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

УҠЫТЫУСЫЛАРҒА/Учителям

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Волшебный сундучок/Тылсымлы һандыҡ

Наши авторы/БЕҘҘЕҢ АВТОРҘАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.