Яңы йылға кем хужа? / Фаҡиһа Туғыҙбаева » Журнал

Логин: Пароль: Регистрация |

  1. Һыу аҫты батшалығында

    image
    Һыу аҫты батшалығында
  2. Сысҡанбай менән Ҡәләмбай

    image
    Сысҡанбай менән Ҡәләмбай
  3. Кем матур йырлай?

    image
    Кем матур йырлай?
  4. Тейен балаһының сәйәхәте

    image
    Тейен балаһының сәйәхәте
  5. Һыу аҫты батшылығында

    image
    Һыу аҫты батшылығында
  6. Энә ҡарағы

    image
    Энә ҡарағы
Баҫылды : 16-09-2013, 19:08 | Категория: Яңы йыл, Ҡыш

Просмотров 1442
"Аҡбуҙат"та баҫылған:12-2011
Рубрика:Яңы йыл, Ҡыш
Исеме:Яңы йылға кем хужа?
Автор:Фаҡиһа Туғыҙбаева
Район:
Ауыл:
Рәссам:Майя ЗЫЯИ
Яңы йылға кем хужа? / Фаҡиһа Туғыҙбаева

Яңы йылға кем хужа? / Фаҡиһа Туғыҙбаева


Ҡатнашалар: Ҡыш бабай, Ҡарһылыу, Аҡбуҙат, Батыр, Сәғәт, балалар, хайуандар һәм йәнлектәр.

Елка тирәләй балалар бейей, йырлай, шиғыр һөйләй.

Сәғәт: Ҡарап тороуы күңелле,

Балалар уйнай-көлә.

Ҡарһылыуҡай, йә, әйт әле,

Яңы йыл ҡасан килә?

Ҡарһылыу: Ваҡыт ҡәҙерен белгәндәргә

Һис һуңламай Яңы йыл.

Балалар: (ҡулдарын юғары күтәрә).

Ҡуян йылында ҙур үҫтек,

Ҙур-ҙур үҫтек беҙ быйыл.

Ҡуян: Һеҙҙең өсөн, матурҙарым,

Күп эш эшләп өлгөрҙөм.

Сәғәт: Рәхмәт, Ҡуян, балаларға

Көс бирҙең, аҡыл бирҙең.

Ҡуянды уртаға алып, бөтәһе лә ул булып һикерә, бейей.

Сәғәт: Һорауым бар, үҫкәндәрем:

Яңы йылға кем хужа?

Кем килтерә Яңы йылды,

Оҙон юл уҙа-уҙа?

Ҡыш бабай: Сәғәт, ашыҡмай тор әле,

Минең дә һорауым бар:



"Мөсәл" тигән һүҙ нимәне

Аңлата ул, балалар?

1-се бала: "Мөсәл" тәмле күстәнәстер,

2-се бала: Матур бүләк, моғайын.

3-сө бала: Йә тылсымсы исемелер.

4-се бала: Компьютер, тип уйлайым.

Бөтәһе лә көлөп ебәрә.
Яңы йылға кем хужа? / Фаҡиһа Туғыҙбаева


5-се бала: Тауыҡ төшөнә тары керә, ти.

"Мөсәл" тигән компьютерҙы ишеткәнем юҡ әле.

Ҡарһылыу: Ҡыш бабай менән икәүләп

Саҡырҙыҡ беҙ күп ҡунаҡ —

Береһенән-береһе талантлы.

Ҡунаҡтарҙы күргәс тә һеҙ

Табырһығыҙ яуапты.

Ҡыш бабай: Хөрмәтле ҡунаҡтар! Байрам түренә рәхим итегеҙ!

Балалар ҡул саба. Сысҡан, Һыйыр, Барыс, Йылан, Йылҡы, Ҡуй, Маймыл, Тауыҡ, Эт, Сусҡа килеп инә. Ҡуян Барыс эргәһенә барып баҫа. Араларында Аждаһа ғына юҡ.

6-сы бала: Таныш йәнлек, таныш хайуан —

Һәр береһе матур ҡунаҡ.

"Мөсәл" тигәнен ишеткән юҡ,

Баш ватам, шуны уйлап.

Батыр: Ашыҡмаһағыҙ, дуҫтарым,

Табырһығыҙ яуапты;

Бейетәйек, йырлатайыҡ

Башта һәр бер ҡунаҡты.

Бөтәһе бергә күңел аса.

Ҡыш бабай: Аҡыллыларым, һорауыма яуапты кем тапты?

Аҡбуҙат: Мин таптым! Мөсәл ун ике йылдан тора. Һәр йылды айырым хайуан исеме менән атап йөрөтәләр.

Батыр: Ер Үгеҙ өҫтөндә тора, тип уйлаған боронғо кешеләр. Ә Үгеҙ ҙур Балыҡ өҫтөндә баҫып тора, имеш. Шунда бер сысҡан, Үгеҙҙең мөгөҙөнә менгән дә:

Иң юғарыла мин торам! Яңы йылды иң тәүҙә күрәм! — тигән. Шуға ла мөсәл Сысҡан йылынан башлана икән.

Ҡыш бабай: Ә Аждаһа ҡайҙа һуң?

Аҡбуҙат менән Батыр

Йыл хужаһын, бәлки, йәһәт

Байрамға алып ҡайтыр?

Аҡбуҙатҡа атланған Батыр елдереп сығып китә лә Аждаһаны алып инә.

Сысҡан: Яңы йылды иң тәүҙә мин күрҙем!

Бөтәһе лә: "Мин дә! Мин дә!" — тип һөйөнсөләй.

Сәғәт: Тик-так, тик-так, тик-так,

Ҡотло булһын Яңы йыл!

Бөтәһе бергә: Яңы йылға — изге юл!

Яңы йылға — изге юл!

Ҡыш бабай: Яңы йыл килде беҙгә,

Аҡбуҙатҡа атланып.

Аждаһа: Гел бәхетле булайыҡ,

Йәшәйек гел шатланып!
Яңы йылға кем хужа? / Фаҡиһа Туғыҙбаева
(голосов:0)

Оҡшаш материал
Ҡәҙерле тыуған ерем!

Ҡәҙерле тыуған ерем!

Ҡатнашалар: Ҡурай, Ағиҙел, Ирәмәл, Бал ҡорто, Мәтрүшкә,...
Аҡбуҙаттың тыуған көнө / Туғыҙбаева Фаҡиһа

Аҡбуҙаттың тыуған көнө / Туғыҙбаева Фаҡиһа

Аҡбуҙатҡа егерме йәш! Байрам беҙҙең тарафта! Әйҙәгеҙ, бер...
Ҡыш бабай килде ҡалаға / Хәсән Назар

Ҡыш бабай килде ҡалаға / Хәсән Назар

Ҡыш бабай килде ҡалаға,...
08-2011

08-2011

8-2011...
Комментарийҙар