» » Ауыл мейесе

Баҫылды : 2-01-2019, 10:03 |
Рубрика: Туған тел / Башҡорт телендә һөйләшәм
Просмотров: 102
"Аҡбуҙат"та баҫылған: 12-2018
Рубрика: Туған тел / Башҡорт телендә һөйләшәм
Исеме: Ауыл мейесе
Автор: Миңлегөл ТАЙСИНА
Район:
Ауыл:
Рәссам: Майя ЗЫЯИ

Туған тел / Башҡорт телендә һөйләшәм

Ауыл мейесе

Ауыл мейесе

Ниязбай ҡышҡы каникулда ауылда йәшәгән олатаһы менән өләсәһенә ҡунаҡҡа ҡайтты. Тышта уйнап, өшөп ингәйне, өләсәһе:
– Улым, мейескә һөйәлеп, йылынып ал. Бейәләйеңде лә киптерергә ҡуй! – тине.
– Өләсәй, ә нимәгә кәрәк ул мейес? Башҡа кешеләр газ менән йылыта бит өйҙәрен... – Ниязбай өләсәһенә һорауҙар яуҙыра башланы.
– Мейес бит ул, улым, өйҙөң йәме! Уңған килендәй, аҡ мейесебеҙ өйҙө лә йылыта, тәмле итеп икмәген дә бешерә. Бер ҙә үҙен боҙоп ташлағы килмәй, – тип йылмайҙы ҡамыр баҫып тороусы өләсәһе.
Бер ҡосаҡ утын күтәреп, тыштан олатаһы килеп инде.
– Әлдә йәйгеһен бысып, ярып, утынды әҙерләп ҡуйҙыҡ, эйеме, улым?! Ҡышҡы һалҡында әҙер утынды яғыуы еңел бит ул!
– Күмәкләшеп әрҙәнәгә матурлап, тигеҙләп өйөп тә ҡуйҙыҡ! – тип өҫтәне Ниязбай.
– Хәҙер һоҫҡо менән утындың көлөн алайыҡ та... – Олатаһы йәһәтләп эшкә тотондо. Көлдө алғас, йәмкә менән утты ҡағыштырҙы ла, утын өҫтәп ебәрҙе.
– Янып торған усаҡҡа ҡарап, олатайың уйланып ултырырға ла ярата, – тигән булды өләсәһе.
– Ҡышын мөрйәнән өйөрөлөп, бейей-бейей сыҡҡан төтөндө күҙәтеүе оҡшай миңә, – тине Ниязбай. – Ҡышын ауылда күңелле!
Уңарсы өләсәһе баҙлап ятҡан күмерҙең бер аҙын тәртешкә менән артҡа этеп, бер аҙын алға ҡалдырып, икмәкте ултыртты ла мейестең төнлөгөн томалап ябып ҡуйҙы.
– Берәй сәғәттән ҡабарып торған әпәкәйебеҙ ҙә бешеп сығыр! – тине ҙур ҡәнәғәтләнеү менән өләсәһе. – Ауыл мейесендә бешкән йылы икмәккә етәме ни?! Әлдә мейесебеҙ бар әле!

Текст буйынса эш:

1. Тексты иғтибар менән уҡып сығығыҙ! Ҡулланылышта йыш осрамаған башҡорт һүҙҙәрен ҡат-ҡат уҡып, иҫегеҙҙә ҡалдырығыҙ.
2. «Мейес» һүҙенә ҡағылышлы бөтә һүҙҙәрҙе күсереп алығыҙ!
Уҡытыусыларығыҙ, атай-әсәйҙәрегеҙ менән билдәләнгән һүҙҙәрҙең мәғәнәләренә төшөнөгөҙ!

Рубриканы Миңлегөл ТАЙСИНА алып бара
Рәссам Майя ЗЫЯИ
Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

УҠЫТЫУСЫЛАРҒА/Учителям

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Волшебный сундучок/Тылсымлы һандыҡ

РУБРИКАЛАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.