» » » Энә ҡарағы

Баҫылды : 20-06-2018, 08:54 |
Рубрика: Авторҙар / Әкиәттәр / Хайуандар илендә / Ҡырағай йәнлектәр
Просмотров: 210
"Аҡбуҙат"та баҫылған: 06-2018
Рубрика: Авторҙар / Әкиәттәр / Хайуандар илендә / Ҡырағай йәнлектәр
Исеме: Энә ҡарағы
Автор: Гөлнур Яҡупова
Район:
Ауыл:
Рәссам: Майя Зыяи

Авторҙар / Әкиәттәр / Хайуандар илендә / Ҡырағай йәнлектәр

Энә ҡарағы

Энә ҡарағы

 

«Аҡбуҙат»тың тоғро дуҫы, шағирә, яҙыусы Гөлнур Миҙхәт ҡыҙын 70 йәшлек юбилейы менән ҡотлайбыҙ!
 

Энә ҡарағы

 

 
Гөлнур ЯҠУПОВА
Энә ҡарағы
(Әкиәт)
Йәшәгән, ти, ғәҙәти бер сиңерткә. Сос булған ул: һауала ла оса, һыуҙа ла йөҙә, ти. Көндәрҙән бер көндө, күл өҫтөндә зырлап осоп йөрөгәндә, ғәжәйеп күренешкә шаһит булған әлеге сиңерткә: томбойоҡ япрағында кескәй генә бер ҡыҙсыҡ йөҙөп бара, ә үҙе
йырлай-йырлай сигеү сигә, ти.
– Һин кем, һылыу? — тип һораған сиңерткә.
– Төймәкәй, — тигән ҡыҙсыҡ.
– Һин бит эльфтар илендә йәшәйһең? Андерсен әкиәтен әллә мин уҡымаған, тиһеңме...
– Әкиәттең башы ғына шул әле... Төймәкәй моңһоу ғына йылмайған да нағыш сигеүен дауам иткән. Ҡулындағы энәһе ҡояшҡа ялтырап-ялтырап китә икән, ти.
Сиңерткәнең ныҡ күҙе ҡыҙған шул энәгә: яйын тура килтереп, ҡыҙсыҡтың ҡулынан тартып алған да ҡанатланып осоп киткән, ти.
Төймәкәйҙең илағанын бер баҡа ишетеп ҡалған, ә ул ябай ғына баҡа түгел, һикереү буйынса күл чемпионы, имеш.
– Илама, ҡыҙыҡай, мин ул ҡараҡты хәҙер табып килтерәм — тигән чемпион һәм, ысынлап та, оҙаҡламай тегене тотоп та килтергән. Ә сиңерткә сос бит инде, урлаған энәһен йота һалған, ти.
Меҫкен энә ҡарағын таяҡҡа бау менән бәйләп язалағандар, ти, әммә ул
урлағанын кире бирмәгән, енәйәтен танымаған...
Шунан бирле был сиңерткәгә «Билдәш энәғараҡ» тигән исем йәбешкән дә ҡуйған инде. Энәһе билендә, ти, һаман да, ҡараҡ тигән яманатынан мәңге ҡотола алмай, ти, бахырҡай.
06-2018
Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Тылсымлы һандыҡ

БЕҘҘЕҢ АВТОРҘАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.