» » » АЛТЫН БАЛЫҠ/Зөбәйҙә ИСЛАМОВА

Баҫылды : 12-09-2013, 09:38 |
Рубрика: Байрамдар / 1 сентябрь
Просмотров: 1 022
"Аҡбуҙат"та баҫылған: 09-2013
Рубрика: Байрамдар / 1 сентябрь
Исеме: АЛТЫН БАЛЫҠ
Автор: Зөбәйҙә ИСЛАМОВА
Район:
Ауыл:
Рәссам: Виктория Гаптарь

Байрамдар / 1 сентябрь

АЛТЫН БАЛЫҠ/Зөбәйҙә ИСЛАМОВА

АЛТЫН БАЛЫҠ/Зөбәйҙә ИСЛАМОВА

(хикәйә)
Фәрүәз портфелен яурынына элде лә, ҡулына сәскәләр тотоп, мәктәпкә юлланды. Бөгөн 1 сентябрь — Белем байрамы. Урам тулы шаян малайҙар, күбәләктәй ҡыҙҙар, ата-әсәйҙәр шау-гөр килеп мәктәпкә табан ағыла. Ул да шул төркөмгә барып ҡушылды ла алан-йолан ҡарап кемделер эҙләй башланы.
Урам боролошон үткәндә дуҫына оҡшаған кешенең ҡойма артында боҫоп торғанын күреп шунда йүнәлде.
— Эй, Йәмил, сәләм! Ни эшләйһең унда? Киттек мәктәпкә!
— Ярай-ярай, бара тор, мин хәҙер. Бына алтын балығымды ғына өйҙә ҡалдырам да, — тип яуапланы ул.
— Алтын балыҡ?! Оноттоңмы әллә, бөгөн бит 1 сентябрь?!
— Ни эшләп онота ти. Шуға ла өлгөрөргә тырышып йөрөйөм дә инде. Бына, ҡарамаҡҡа тоттом. Ышанмаһаң яҡыныраҡ килеп ҡара!
Ысынлап та, уның ҡулындағы һауытта һарылы-ҡыҙыллы тәңкәләрен уйнатып алтын балыҡ йөҙә ине.
— Алып ҡайтам да өс теләгемде үтәргә ҡушам, — тип һүҙен дауам итте малай.
— Һин нимә әкиәттән сыҡтыңмы әллә? Ниндәй теләк ул тағы?
— Ниндәй булһын: ”Беренсенән, мәктәпкә йөрөмәй генә уҡырға; икенсенән, тик яҡшы билдәләренә өлгәшергә; ә өс-сөн-сө-нә-ән-нн… әле уйлап бөтмәнем”, — тип эре генә танауын сөйҙө теге.
— Эх, һин, Йәмил-л-л! — тип дуҫын үсекләгәндәй бармаҡтарын бөгөп Фәрүәз: беренсенән, алдашырға ярамай. Ҡулыңда йылға балығы түгел, ә аквариумыҡы. Икенсенән, әкиәттә түгел, ә ысынбарлыҡта йәшәйһең. Ә инде өсөнсөнән: “Дуҫҡай, мин һине мәктәптә көтәм”, — тине лә ҡырҡа боролоп юлын дауам итте.
Малай бер балығына, бер алыҫлаша барған дуҫына ҡарап уйланып тора бирҙе. Ҡапыл аңына килеп: “Үҙеңә ышанырға кәрәктер. Көс түгеп тырышып уҡығанда ғына теләгәнең бойомға ашыр”, — тип тиҙ генә эштәрен башҡарҙы ла һуңламай ғына беренсе ҡыңғырауға килеп тә етте.
Ә алтын балыҡ иһә, Ғиндулла олатайҙың аквариумында нимәлер һөйләгәндәй күбектәр уйнатып серле генә йөҙә бирҙе.
Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

УҠЫТЫУСЫЛАРҒА/Учителям

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Волшебный сундучок/Тылсымлы һандыҡ

Наши авторы/БЕҘҘЕҢ АВТОРҘАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.