» » » » Ер һәм Ҡояш тураһында әкиәт

Баҫылды : 10-04-2018, 11:21 |
Рубрика: Тәбиғәт 2013/2014 / Әкиәттәр / Тыуған илем
Просмотров: 339
"Аҡбуҙат"та баҫылған: 04-2018
Рубрика: Тәбиғәт 2013/2014 / Әкиәттәр / Тыуған илем
Исеме: Ер һәм Ҡояш тураһында әкиәт
Автор: Миңлегөл ТАЙСИНА
Район:
Ауыл:
Рәссам: Лиана НИҒМӘТЙӘНОВА

Тәбиғәт 2013/2014 / Әкиәттәр / Тыуған илем

Ер һәм Ҡояш тураһында әкиәт

 Ер һәм Ҡояш тураһында әкиәт

 Ер һәм Ҡояш тураһында әкиәт

Беҙ йәшәгән планета Ер тип атала. Ул шарға оҡшаған. Диңгеҙ, океандар — зәңгәр, ә ҡоро ерҙәре — төрлө төҫтәрҙә.

Элек-электән Ер үҙенә ҡарап һоҡланырға яратҡан. Бер көндө ул Ҡояшҡа күренеп, маҡтанып алырға булған. Ҡояш үҙе лә бик яҡты һәм ҙур шар һымаҡ икән.

— Ҡара әле, Ҡояшҡай, мин ниндәй матурмын! — тигән Ер.

— Эйе, матурһың шул! Икенсе яғыңа әйлән әле!

Ер бер тапҡыр әйләнгәс, Ҡояш уға яҡтыртҡан да, икенсе яғына әйләнеүен һораған. Шулай итеп, Ер әйләнгән дә әйләнгән. Ҡояшҡа ҡарап торған яғында — көн, кирегә боролған яғында — төн икән. Тағы ла боролһа, ул яҡта —төн, ә Ҡояшлы яҡта — көн, ти. Көн менән төндөң алмашыныуы ла Ерҙең үҙ күсәрендә әйләнеүенә бәйле.

Ер үҙе — Ҡояш системаһындағы 3-сө планета. Башҡа планеталарҙан айырмалы рәүештә, Ерҙә генә тереклек бар. Ай — уның тоғро юлдашы. Юпитер — иң ҙур, ә Плутон — иң бәләкәй планета. Ҡояш бик эҫе, ҡайнар булһа, Марста ныҡ һыуыҡ, һалҡын.

Текст буйынса эш.

Балалар, башҡорт телендә ҡапма-ҡаршы һәм бер үк мәғәнәле һүҙҙәр күп. Мәҫәлән, көн, төн һүҙҙәре— антонимдар. Ә һыуыҡ, һалҡын — синонимдар.

Әкиәтте уҡып сығығыҙ ҙа шундай һүҙҙәрҙе табығыҙ!

Рубриканы Миңлегөл ТАЙСИНА алып бара.

Рәссам Лиана НИҒМӘТЙӘНОВА

Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Тылсымлы һандыҡ

БЕҘҘЕҢ АВТОРҘАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.