» » » Ялҡау ҡыҙ

Баҫылды : 16-04-2017, 06:58 |
Рубрика: Изгелек / Минең ғаиләм
Просмотров: 279
"Аҡбуҙат"та баҫылған: 03-2017
Рубрика: Изгелек / Минең ғаиләм
Исеме: Ялҡау ҡыҙ
Автор: Сәфинә ХӘКИМОВА
Район:
Ауыл:
Рәссам: Әлфиә ШАФИҠОВА

Изгелек / Минең ғаиләм

Ялҡау ҡыҙ

Ялҡау ҡыҙ

 

Сәфинә ХӘКИМОВА
Ялҡау ҡыҙ
 
Әсәһе менән бик матур, янып торған ҙур ҡара күҙле Дәлилә исемле ҡыҙыҡай йәшәгән. Әсәһе
ҡыҙына ел-ямғыр тейҙермәй үҫтергән, өйҙә бар эште лә үҙе башҡарған. Дәлилә уҡырға барған. Әммә
иркәләнеп йәшәүен дауам иткән. Бер көн мәктәптән ҡайтып килгәндә, юл ситендә бер ҡарт Дәлиләгә
һүҙ ҡуша:
— Балам, таяғымды алып бир әле, ҡулымдан төшөп китте.
— Кәрәк булғас, үҙең ал, — тиеп яуаплай ҡыҙ.
Ҡарт бабай:
— Һин шундай матурһың, етеҙһең, ә минең үрелергә билем ауырта шул,— тигән.
— Юҡ йомошоң менән башымды ҡатырма, — тигән ҡыҙ.
Өйгә ҡайтҡас кейемдәрен нисек етте шулай ырғытып, ашығып, өҫтәлдәге планшетына үрелгән.
Уйнай торғас, кис еткәнен дә һиҙмәй ҡалған. Дәлилә тәҙрәнән-тәҙрәгә йөрөп, әсәһен көткән.
Дәрестәрен дә әҙерләмәгән. Асығып, илап йоҡлап киткән. Әсәһе ауырып дауаханаға эләккән булған икән.
Иртәгәһен мәктәпкә барғанда кисәге ҡарт тағы ла юлында осрай.
— Нимә булды, ҡыҙым? — тип һорай бабай уның күңелһеҙ икәнен күреп. — Бәлки, ярҙам итә алырмын.
— Әсәйем ҡайтманы, миңә бик ҡыйын, — ти Дәлилә.
— Ә һин үҙең бар эште лә эшләпөйрән, әсәйеңә ярҙамлаш, еңелерәк булыр, — тип һүҙен дауам иткән ҡарт.
Бабайҙың яғымлы һүҙҙәренән күңеле тулып, ул илап ебәрә Дәлилә.
Дәрестән һуң ҡыҙ ҡабаланып ҡайта ла кейемдәрен элә, туҙып ятҡан уҡыу кәрәк-яраҡтарын йыйыштыра. Бабайҙың әйткәндәре гел ҡолағында сыңлап тора. Әйтерһең, Дәлиләнең эргәһендә генә, бар эштәрен ҡарап, күҙәтеп ултыра.
Әсәһе ҡайтҡас, өйҙәге тәртипте, өҫтәлдәге ризыҡтарҙы күреп аптырап ҡала.
— Әсәй-әсәкәйем, һиңә ярҙам итеп, ҡыуандырып ҡына торасаҡмын! — тип Дәлилә уны ҡосаҡлап ала.
— Бындай ярҙамсы булһа, арымам да, ауырымам да, — тип шатлана әсәһе.
Шул көндән башлап Дәлилә әсәһенең ҙур ярҙамсыһына, ғорурлығына әйләнә, уҡыуы ла яҡшыра. Әсәһе ҡыҙына бесәй балаһы бүләк итә.
 
Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

УҠЫТЫУСЫЛАРҒА/Учителям

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Волшебный сундучок/Тылсымлы һандыҡ

РУБРИКАЛАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.