» » » ҠАРТАТАЙҘЫҢ ЯРҘАМЫ

Баҫылды : 14-10-2015, 14:52 |
Рубрика: Алтын бишек / Минең ғаиләм
Просмотров: 309
"Аҡбуҙат"та баҫылған: 10-2015
Рубрика: Алтын бишек / Минең ғаиләм
Исеме: ҠАРТАТАЙҘЫҢ ЯРҘАМЫ
Автор: Тимур РӘХМӘТУЛЛИН
Район:
Ауыл:
Рәссам: Майя ЗЫЯИ

Алтын бишек / Минең ғаиләм

ҠАРТАТАЙҘЫҢ ЯРҘАМЫ

 

Тимур РӘХМӘТУЛЛИН

ҠАРТАТАЙҘЫҢ ЯРҘАМЫ

(Хикәйә)

Ҡартатаһы менән Йәмил урамдан атлай. Ике-өс өй аша алтынсы класта уҡыған Вәкил ағай утын яра.

— Әйҙә, ҡартатай, уға ярҙам итәйек, - ти Йәмил.

— Ә нисек?

— Утынын ярышайыҡ. Ҡара уға, утынға һуғам тиһә, түмәре ҡолай ҙа китә.

Ҡартатаһы Вәкил янына килде:

— Вәкил улым, ана машина тәгәрмәсе ята бит, алып кил әле.

Күрше малай йүгереп барып тәгәмәсте алып килде. Йәмилдең ҡартатаһы камераны һалып эсенә түмәрҙе ултыртты. Шунан бер нисәне һуғып, нисек ярырға кәрәк икәнен өйрәтте, шунан балтаны Вәкилгә биреп:

— Йә, улым, ярып ҡара әле. Хәҙер утындарың ҡоламаясаҡ.

Вәкил ҡыуанып китеп утын ярырға керешә, үҙе хәбәр һөйләй:

— Эйе шул, олатай, утындарым бер ҙә ҡоламай. Рәхмәт һеҙгә!

Ҡартатай менән Йәмил артабан ҡуҙғалды. Малай түҙмәне:

— Ҡартатай, нишләп беҙ уға ярҙам итмәнек?

— Улым, ярҙам иттек бит.

— Юҡ, ҡартатай, беҙ уға өйрәттек кенә. Ә утынды ярышманыҡ. Вәкил ағай оҙаҡ ярасаҡ бит.

— Улым, ул эшкә өйрәнә. Әгәр беҙ уның утынын тулыһынса үҙебеҙ ярып бирһәк, ул өйрәнә алмаҫ. Ә һуңынан тағы шул хаталарҙы яһар. Бына Вәкил ағайың да хәҙер яңы һөнәре менән ата-әсәһен, яҡындарын ҡыуандырһын.

— Ҡартатай, һин мине лә һөнәргә өйрәт!

Ҡартатаһы, йылмайып, Йәмилдең арҡаһынан тупылдатып һөйә. Булыр, булыр, йәнәһе, бөтәһе лә алда.

 

Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

УҠЫТЫУСЫЛАРҒА/Учителям

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Волшебный сундучок/Тылсымлы һандыҡ

РУБРИКАЛАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.