» » » Йоҡлап ҡалыу

Баҫылды : 2-09-2015, 15:50 |
Рубрика: 1 сентябрь / Авторҙар / Минең ғаиләм
Просмотров: 503
"Аҡбуҙат"та баҫылған: 09-2015
Рубрика: 1 сентябрь / Авторҙар / Минең ғаиләм
Исеме: Йоҡлап ҡалыу
Автор: Земфира АҠБУТИНА
Район:
Ауыл:
Рәссам: Әлфиә Шафиҡова

1 сентябрь / Авторҙар / Минең ғаиләм

Йоҡлап ҡалыу

 

Земфира АҠБУТИНА

 

Йоҡлап ҡалыу

 

Әлиә апайым мәктәпкә өйрәнсеккә йөрөй башланы. Уға яҙға – ете, миңә биш йәш була.

– Мин дә барам, – тип ныҡыш­ҡас, әсәйем апайыма эйәртеп мәктәпкә ебәрҙе.

Унда шул тиклем оҡшаны! Уҡытыусы иң артҡы партаға яңғыҙымды ғына ултыртып ҡуйҙы. Мин төҫлө ҡәләмдәр менән һүрәт төшөрөп ултырҙым. Ә башҡалартаяҡсалар һыҙҙы. Икенсе юлы ла эйәреп барҙым. Өсөнсө тапҡыр апайымдың сығып киткәнен күрмәй ҡалдым. Ә минең бик ныҡ уҡырға барғым килде. Йәй ҙә етте. Әсәйемдән:

– Апайым ҡасан мәктәпкә бара? – тип һорайым.

– Көҙ еткәс, балам.

– Ә көҙ ҡасан етә?

– Сентябрҙә, ҡыҙым.

Йәй буйы бер кемгә лә өндәшмәй генә 1 сентябрҙең еткәнен түҙемһеҙләнеп көттөм. Минең дә ағай-апайҙарыма эйәреп, мәктәпкә барғым килә. Бына бер саҡ улар уҡыуға әҙерләнә башланы. Атай-әсәй форма, алъяп­ҡыс, таҫма, китап-дәфтәр һәм башҡа кәрәк-яраҡ һатып алды.

Әсәйемә әйтеп ҡуйҙым:

– Апайым менән мин дә беренсе класҡа уҡырға барам!

Ә ул:

– Йәшең етмәгән бит әле, балам, – ти.

– Йәшем етмәһә лә, барам, – тим.

– Йәшең етмәгәс, алмайҙар, ҡыҙым.

– Алалар. Теге ваҡыт апайым менән йөрөнөм дә инде өйрәнсектә, – тим. Әсәйем өндәшмәй.

Иртәгә – 1 сентябрь. Иртәнсәк уянып китһәм, өйҙә – тынлыҡ. Шомланып, тирә-яғыма ҡарайым: яҡтырған. Мин бит мәктәпкә барырға тейеш кеше! Әллә йоҡлап ҡалғанмынмы? Йүгереп өйҙө ҡарап сығам – бер кем юҡ. Тышта ла береһе лә күренмәне. Урамда ҡулдарына сәскәләр тотҡан бер нисә бала һәм өлкән кешеләр мәктәп яғынан ҡайтып килә. Йүгереп ишек алдына инәм. Шым ғына илай-илай ҡап­ҡа ярығынан байрамдан ҡайтыусыларҙы күҙәтәм.

– Йәшең еткәс, һин дә мәктәпкә барырһың, ҡыҙым, – тине. Ә мин:

– Йоҡлап ҡалғанмын бит, һеҙ ҙә уятмағанһығыҙ, – тип уға үпкәмде белдерәм. – Икенсе йыл мотлаҡ барасаҡмын!

Киләһе йыл да, мәктәпкә йоҡлап ҡалғас, бәләкәй икәнемде аңланым. Ысын уҡыусылар бер ҙә йоҡлап ҡалмай бит.

Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

УҠЫТЫУСЫЛАРҒА/Учителям

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Волшебный сундучок/Тылсымлы һандыҡ

РУБРИКАЛАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.