» » » ЙӘШЕНМӘК

Баҫылды : 21-08-2015, 07:31 |
Рубрика: Йыл миҙгелдәре / Йәй
Просмотров: 311
"Аҡбуҙат"та баҫылған: 08-2015
Рубрика: Йыл миҙгелдәре / Йәй
Исеме: ЙӘШЕНМӘК
Автор: Рәзилә Ырыҫҡужина.
Район:
Ауыл:
Рәссам:

Йыл миҙгелдәре / Йәй

ЙӘШЕНМӘК

 

 

ЙӘШЕНМӘК

 

Уйнарға балалар ғына түгел, һауалағы болоттар ҙа ярата. Зәңгәр күккә оҙаҡ итеп ҡарап торһаң, уларҙың баҫтырышҡанын, бер-береһенән йәшенгәнен күреп була. Шулай бер көн күңелсәк баҫтырышҡан болоттарҙы ҡояш күҙәтеп торған да:

— Әйҙәгеҙ, мин дә һеҙҙең менән йәшенмәк уйнайым, — тигән.

— Әйҙә, — тигәндәр ҙә, болоттар йәшенешеп бөткәндәр. Ҡояштың сағыу нурҙары бөтә ергә таралғас, быларҙы тиҙ генә эҙләп таба ла ҡуя икән. Шунан болоттар:

— Хәҙер йәшеренергә һинең сират, — тигәндәр. Ҡояш риза булған да, тиҙ генә юҡҡа сыҡҡан. Болоттар уны эй, эҙләйҙәр, ти, эй, эҙләйҙәр, таба алмайҙар икән.

— Шунан былар ҡайғырышып, ҡарая башлағандар. Бер аҙҙан иларға тотонғандар. Тап ошо мәлдә ерҙә ямғыр яуа, йәшен йәшнәй, икән. Шаян ҡояш был күренеште ситтән генә күҙәтеп тора ла, илаҡ болоттарҙы йәлләп, үҙе килеп сыға. Күҙәткәнегеҙ булһа, көслө итеп яуған ямғырҙан һуң, ер яҡтырып китә, эйе бит? Был бары тик күктәге уйындар ғына икән.

 

 

Рәзилә Ырыҫҡужина.

 

Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

УҠЫТЫУСЫЛАРҒА/Учителям

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Волшебный сундучок/Тылсымлы һандыҡ

Наши авторы/БЕҘҘЕҢ АВТОРҘАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.