» » » АЛТЫН МӨГӨҘЛӨ БОЛАН

Баҫылды : 1-07-2015, 09:32 |
Рубрика: Авторҙар / Хайуандар илендә
Просмотров: 416
"Аҡбуҙат"та баҫылған: 07-2015
Рубрика: Авторҙар / Хайуандар илендә
Исеме: АЛТЫН МӨГӨҘЛӨ БОЛАН
Автор: Абдулхаҡ ИГЕБАЕВ
Район:
Ауыл:
Рәссам: Салауат Ғиләзетдинов

Авторҙар / Хайуандар илендә

АЛТЫН МӨГӨҘЛӨ БОЛАН

 

Абдулхаҡ ИГЕБАЕВ

 

 

АЛТЫН МӨГӨҘЛӨ БОЛАН

 

Китеп барған сағымда

Иркен ялан юлынан,

Килеп сыҡты ҡаршыма

Ғәжәп һомғол бер болан.

 

Ҡапыл ғына ул бына

Туҡтаны ла, ниңәлер,

Ғорур ҡарашын төбәп,

Ҡарап ҡуйҙы миңә бер.

Болан да,

мин дә өнһөҙ,

Ни әйтергә һуң уға?

Әллә ҡаушап ҡалдыммы, —

Йөрәгем дөп-дөп һуға.

Был хәлемде һиҙҙермәй,

Шым торҙом да саҡ ҡына,

Уға мөләйем бағып

Һүҙ башланым һаҡ ҡына:

—Әйтсе, Болан, ҡайҙарҙан

Килеп сыҡтың был яҡҡа?

Ваҡытың булһа әгәр,

Әйҙә беҙгә ҡунаҡҡа!

Һүҙҙәремде ишеткәс,

Ҡыуанды йылғыр кейек,

Аҡыллы күҙҙәренән

Осҡон сәселде кеүек.

Унан, һиҫкәнгән һымаҡ,

Ҡаранып алан-йолан,

Эс серен бүлешкәндәй,

Былай һөйләне Болан:

—Үпкәләй күрмә зинһар,

Ҡалалмайым оҙаҡҡа.

Юлым юлыҡһа, һиңә

Бер килермен ҡунаҡҡа.

Алыҫта йәшәйем мин,

Ҡырлас тауҙар билендә,

Мәңге йәшел ылыҫлы

Ҡарағайҙар илендә.

Күк Урал ҡаяһына

Менеп баҫҡан минутта

Минең алтын мөгөҙөм

Тейеп тора болотҡа.

Шул мәғрур тауҙарға

Ҡайтайымсы тиҙерәк,

Тыуып үҫкән төйәгем

Һағындырҙы бигерәк.

Шулай тип хушлашты ла

Ул зыйлап елеп китте…

Әйтерһең, тояҡтары

Күңелде телеп китте.

Ҡышын,

йәйен уҙһам да

Иркен ялан юлынан

Тап булмай шул һаман да

Алтын мөгөҙлө болан.

 

 

Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

УҠЫТЫУСЫЛАРҒА/Учителям

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Волшебный сундучок/Тылсымлы һандыҡ

РУБРИКАЛАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.