» » » Яугир ҡарт олатай

Баҫылды : 9-05-2015, 18:07 |
Рубрика: Еңеү көнө / Авторҙар
Просмотров: 552
"Аҡбуҙат"та баҫылған: 05-2015
Рубрика: Еңеү көнө / Авторҙар
Исеме: Яугир ҡарт олатай
Автор: Гүзәл СИТДИҠОВА
Район:
Ауыл:
Рәссам: Әлфиә Шафиҡова

Еңеү көнө / Авторҙар

Яугир ҡарт олатай

 

 

Гүзәл СИТДИҠОВА

Яугир ҡарт олатай

(Хикәйә)

 

Асманға: "Бөгөн байрам – Еңеү көнө”, - тинеләр.

— Ә кем кемде еңгән? — Малай аптырап ҡалды.

— Элек, минең атайым йәш саҡта, һуғыш булған. Илебеҙгә дошман баҫып ингән, — тип аңлатты олатаһы. — Атайым да яуға киткән, илде фашистарҙан һаҡлашҡан.

Олатаһы менән малай майҙандағы еңеүселәргә ҡуйылған һәйкәл янына барып, сәскә һалырға булдылар. Юлда олатаһы һөйләүен дауам итте:

— Атайым бик батыр кеше ине. Бер саҡ алышта яраланған. Шыуып барырлыҡ та хәле ҡалмаған. Ауыртыныуҙан хатта иҫен юғалтҡан, бер ни күрмәҫ, ишетмәҫ булған. Иҫенә килһә, янында эт ултыра, ти. Ул, һалдатты йәлләгәндәй, шыңшып ҡуйған да китеп барған. Күпмелер ваҡыт уҙғас, атайым янына бер ҡыҙ шыуышып килгән. Уларҙы "санитарка” тип йөрөткәндәр. Ул атайымды арҡаһына һалып һөйрәп алып киткән. Атайым шулай тере ҡалған. Ә эттәрҙе бик ярата ине. "Аҡыллы, тоғро улар”, — ти торғайны. Һуғышта өйрәтелгән эттәр яралыларҙы эҙләшкән.

Бына һәйкәл янына килеп тә еттеләр. Уның янында һаҡта бер һалдат эт менән тора ине.

Асман һалдатҡа ла, эткә лә һоҡланып ҡарап торҙо — ниндәй матур һәм батыр улар!

Олатаһы малайҙы үҙҙәренең фамилияһы яҙылған урынға алып килде. Асман әле оҙон һүҙҙәрҙе уҡый белмәй. Ул ҡыҫҡа һүҙҙәге хәрефтәрҙе әйтә башланы:

— Х-Ә-М-З-Ә. Хәмзә! — тип шатланып ҡысҡырып ебәрҙе ул.

— Эйе шул, Хәмзә, — тине олатаһы. — Атайымдың исеме шулай ине.

Ҡаһарман яугирҙың бүләһе бәләкәс кенә ҡулдары менән хәрефтәрҙе һыйпап сыҡты:

— Рәхмәт һиңә, ҡарт олатай!

Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

УҠЫТЫУСЫЛАРҒА/Учителям

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Волшебный сундучок/Тылсымлы һандыҡ

РУБРИКАЛАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.