» » ҺЫРТЛАН МЕНӘН ТАШБАҠА

Баҫылды : 29-04-2015, 16:46 |
Рубрика: Тылсымлы һандыҡ / Әкиәттәр
Просмотров: 466
"Аҡбуҙат"та баҫылған: 04-2015
Рубрика: Тылсымлы һандыҡ / Әкиәттәр
Исеме: ҺЫРТЛАН МЕНӘН ТАШБАҠА
Автор:
Район:
Ауыл:
Рәссам: Майя Ҡәйүмова

Тылсымлы һандыҡ / Әкиәттәр

ҺЫРТЛАН МЕНӘН ТАШБАҠА

 

ҺЫРТЛАН МЕНӘН ТАШБАҠА

 

(Маконде халыҡ әкиәте)

 

Бер заман урманда янғын сыҡҡан. Ҡоро үлән шытырлап яна башлаған. Хайуандар, уттан ҡурҡышып, ҡасыу юлы эҙләгән. Ташбаҡа ла башҡаларҙан ҡалышмаған. Тик бәләкәй аяҡтары менән алыҫ китә алмаған шул. Ә янғын яҡынайғандан-яҡыная икән. Ут меҫкен ташбаҡаны үҙ ҡосағына алам-алам тип ҡуя, ти. Шул ваҡыт уның ҡаршыһына һыртлан килеп сыға.

—Дуҫ, зинһар, уттан сығырға ярҙам итсе! — тип ялбарған ташбаҡа.

Ә һыртлан мыҫҡыл итеп көлгән дә юлын дауам иткән.

Ҡараһа ҡаплан йүгереп китеп бара. Ташбаҡа унан да ярҙам һораған. Ҡаплан ташбаҡаны күтәреп алған да иң оҙон ағастың башына ултыртҡан. Янғын үткәндән һуң килеп, ағас башынан төшөргән.

—Һин изге күңелле. Бәлә килгән саҡта мине ташлап китмәгәнең өсөн — минән һиңә бүләк! — тигән дә ташбаҡа көлдө һыу менән бутап, ҡапландың тиреһенә семәрләп, ҡара төҫтәр менән биҙәктәр төшөргән.

Һыртлан ҡапландың тиреһен күргәс:

—Дуҫҡай, бындай матур кейемде ҡайҙан алдың? — тип ҡыҙыҡһынып һораған.

—Минең әхирәтем ташбаҡа бүләк итте, — тигән.

Һыртлан да бүләк артынан ташбаҡаға йүгергән. Ҡапландыҡы кеүек матур кейем һораған, тик ташбаҡа:

— Һин яуыз күңелле, шуға ла минең бүләгем ҡылығыңа ярашлы, — тигән дә һыртландың тиреһенә ҡара төҫтә ҡурҡыныс һыҙыҡтар һыҙып сыҡҡан.

 

Һыртлан - гиена

Ҡаплан – леопрад

 

Маконде— Африкала Танзанияның көньяғында, бер өлөшө Мозамбик иленең Лукуледи һәм Рувума йылғаларының төньяҡ-көнсығышында йәшәгән халыҡ. 1,5 млн күберәк кеше иҫәпләнә.

Теги
[related-news]

Похожие новости

    {related-news}
[/related-news]

АРХИВ ЖУРНАЛОВ

УВАЖАЕМЫЙ ПОСЕТИТЕЛЬ, МЫ РАДЫ, ЧТО ВЫ У НАС В ГОСТЯХ.
ВЫ МОЖЕТЕ ПРИСЛАТЬ СВОИ МАТЕРИАЛЫДЛЯ ПУБЛИКАЦИИ.

БҮЛӘККӘ – велосипед! “Аҡбуҙат”ҡа “Рәсәй почтаһы” аша ярты йылға яҙылыу 344 һум 16 тин, бер йылға – 688 һум 32 тин. Журналдың индексы: П2703.

Тылсымлы һандыҡ

БЕҘҘЕҢ АВТОРҘАР

Цитата

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. «Аҡбуҙат» журналы һеҙгә тоғролоғон һаҡлар. Бергә булайыҡ!

Тамара ИСКӘНДӘРИӘ-ЮЛДАШЕВА, баш мөхәррир.